EUSKAL HERRIAK

ALDAKETA SOZIALA!

URTARRILAK 27 GREBARA  

     Orain, krisialdiaren errudunek pentsioen sistema publikoa daukate jo puntuan: Erretiro adina 67 urtetara luzatuz, pentsioa izateko beharrezkoak diren kotizazio urteak handituko dituztelarik. Gauzak horrela, berriro ere diru publikoa esku pribatuetara pasatuko litzateke, pentsio sistemaren erreforma, sistema publikoarekin amaitzeko , sistema bera pribatizatzeko eta espekulatu ahal izateko aitzaki hutsa baino ez da. HERRIAabian!-etik uste dugu nahikoa dela!. Nahikoa dela horrenbeste inposaketetaz. Nahikoa dela Europa eta EEBBek murrizketa hauek diseinatzeaz eta nahikoa dela espainiar eta frantses gobernuek zein beraien sukurtsal autonomikoek murrizketa hauek inposatzeaz, gure ekinbide propiorako gaitasuna erabat baldintzatuak usten digutelarik. 

        Urtarrilak 27ko greba

           Hilaren 27an eskubide sozial eta laboralen defentsarekin hitzordu garrantzitxua dugu. Euskal Herriak lege kolpez inposaturiko murrizketa berri honi ezekoa ematen diola agerian uzteko herritarrak egun horren prestaketan era aktiboan aritzera eta egunean bertan piketeetan eta deitzen diren mobilizazioetan parte-hartzera animatzen ditugu.

             Herri hau egunero-egunero aurrera ateratzen dugunok gure etorkizuna erabakitzeko eskubidea, baita alor sozioekonomikoari dagokionean ere, eduki behar dugula uste dugu, oinarritik eta planetako beste herri batzuekin elkarlanean egungo garapen ereduaren alternatiba eraiki ahal izateko. Beste mundo bat posiblea delako eta beste Euskal Herria bat beharrezkoa dugulako.