HERRIAabian!-ek hurrengo astean hitzaldi pare bat antolatu ditu Gasteizen eta Iruñean. Iruñean hizlaria Iñaki Gil de San Vicente izango da, zeinek “Lanaren banaketa, ondasunaren banaketa” izenpean bere iritzia botako du honen inguruan. Hitzordu hau ALDAKETARAKOabiapuntuaren ardatzak zehazteko prozesu partehartzailearen testuinguruan kokatzen da. Hitzordua otsailaren 23an, arratsaldeko 19.00etan, Txantreako Kaskallueta Elkartean izango da.

Gasteizen hizlaria Andoni Txasko –Martxoak 3ko Elkarteko kidea- izango da, zeinek Euskal Herriko langileriaren borrokaren une historiko horretara gerturatuko gaituen. Aldi berean, HERRIAabian!-en aurkezpen bat egingo da. Hitzaldia Gasteizko Kanpuseko Filologia Fakultateko Areto Nagusian otsailaren 24an, eguerdiko 12.00etan izango da.